Connectez-vous S'inscrire
TapTapMag.com

Yon Gwo Sware Omaj Jedi 3 Mas Pou Erick Charles


Notez
1 Mars 2016

Kominike Pou Laprès
Pou Difize Kounye A
Yon Gwo Sware Omaj Pou Erick Charles
Pòtoprens, 1e mas 2016.- Mardi-Alternative ak Radio Galaxie mete tèt yo ansanm pou òganize yon kokennchenn sware omaj nan memwa Erick Charles, chantè Mizik Mizik la, ki te mouri jou ki te jedi 25 fevriye 2016 nan Pòtoprens.



Sware Omaj sa a ap fè jedi k ap 3 mas 2016 a pati 6è mam aswè nan Lakou Radio Galaxie ki chita nan nimewo 6, Rue Vaval, Delmas 31. L ap pase an dirèk sou Radio Galaxie 104.5FM ak Télé Galaxie, Chaîne 62.

Se pral okazyon pou zanmi, mizisyen, fanatik, tout moun ki te renmen, apresye epi respekte travay ak kontribisyon Erick Charles nan mizik ayisyen an, sitou Konpa Direct, sòti nan Siwo de Miragoâne, pase nan DP Express pou rive nan Mizik Mizik, pou vin temwaye lanmou ak apresyasyon yo pou atis la.

Pral gen yon ekspozisyon foto Erick Charles ak lòt aktivite pou kenbe memwa atis la vivan nan tèt tout sila ki renmen misye epi ki renmen mizik, patikilyèman Konpa Direct.

Mardi-Alternative ak Radio Galaxie envite tout mizisyen, djaz konplè ki ka fè deplasman an, vini an foul nan randevou sa a k ap kòmanse a 6è boul. Ap gen enstriman sou sèn nan kote nenpòt mizisyen ka monte vin ‘’jam’’ oswa chante yon chante Erick Charles. Se chante atis la senpman nou dwe chante.

Mardi-Alternative ak Radio Galaxie ankouraje djaz ak atis yo repete yonn oswa 2 mizik Erick Charles anvan yo vini pou sa ka byen pase, nan respè memwa GWO manman chantè sa a.

Mardi-Alternative ak Radio Galaxie ap remèse Konpa Factory ki bay son an gratis ak FullPower Productions k ap bay Stage la gratis tou. Ochan pou 2 gwo konpayi sa yo.

Si nou bezwen plis enfòmasyon sou Sware Omaj sa a, kontakte Bernier Sylvain - BS  oswa Pipo saint louis



AUSSI Sur TapTap Magazine
< >

Vendredi 9 Décembre 2016 - 13:04 Mort de Samba Kessy : Réaction de Fred Hype

Vendredi 9 Décembre 2016 - 11:56 Samba Kessy aka King Kessy de Koudjay est mort


Publicité







Facebook

Publicité