Connectez-vous S'inscrire
TapTapMag.com

YON DESTEN KONPLIKE NAN MEN YON SIMPLE BOY: REPOZE AN PÈ RIVELSON


Notez
14 Juin 2015



Pami chalè,vakans ak plezi mwa jen toujou pote,nou gen yon van frèt ki foure kò li,ki rantre nan kè nou ak nan nan’m nou.Mouche lanmò ki pa respekte pesonn pran desizyon se nan mwa sila pou li pase pran san bay kont tout atis plen talan jenès nou an pwodui ak swè fon li.

Se avèk anpil tristès nou  resevwa nouvèl lanmò RivelS youn nan chantè/rapè/dansè  simple boys yon gwoup tandans r&b ki soti nan komin kafou, yon gwoup ki pa sispann chamé moun soti depi nan  ‘’So blap”pase nan kanaval 2014 yo : „N ap Vanse” rive nan : „Mwen p ap janm ka bliye w (feat Olivier Duret)”. Jodi a, mo yo pap ase pou esplike kokennchenn pèt gwoup sa fè, kèk mwa apre yon ensidan ki te lakoz depa CJ youn nan manb fondatè gwoup sa. RivelS ou dimwens Rivelson pèdi lavi li nan plaj Obama ki twouve li nan vil Leyogàn. Dapre moun ki te la yo se viktim yon konplo byen monte jèn chantè a sibi,paske se nan eseye separe 2 moun ki te swadizan ap goumen yo arive tire li, sa ki lakoz li pase nan peyi san chapo nan yon dat, yon mwa ki pa sispann pote move souvni.

Nou pa kwè Sonson Simple boys te konnen pwòp lirik li t ap gen pou li di kichòy sou li, men nou sèten jounen jodi a Simple boys pap janm manke rezon pou li chante „ mwen p ap janm ka bliye w”. Nou menm tou nou pap kapab, nou p ap janm ka bliye vre: Dad, Katafalk, Dejavoo oubyen ankò G bobby bon flow Jimmy O ak anpil lot ankò . Yon seri atis ki te reprezante yon jenès ki tap swiv yo tankou palmis swiv tonton,men ki rive ale kite li nan sitiyasyon kote moun paka imajine alewè pou yo ta dakòl.

RIP RIVELSON from Taptapmag


​Texte:Levly Byenneme
copyright TapTapMagazine
 


AUSSI Sur TapTap Magazine
< >

Samedi 3 Décembre 2016 - 16:12 Video teaser Djakout #1 - Peche

Vendredi 2 Décembre 2016 - 02:10 Video Teaser - BIC - TI Marie Bel Gazèl


Publicité







Facebook

Publicité