Connectez-vous S'inscrire
TapTapMag.com

O.R.S & Top Adlerman BACK ANKÒ


Notez
9 Juin 2015



Credit: Tripotay pam
Credit: Tripotay pam
Apre anpil ane siksè nan kanaval, youn nan pi bèl randevou kiltirèl peyi nou, apre anpil hit, anpil bri, e sitou apre anpil silans epi yon kanaval 2013 "File" ki pa te jwenn apresyasyon li t ap jwenn 18 ane avan sa, Original Rap Staff (Original la) deside fè yon come back. Si nou kwè deklarasyon Top Adlerman, youn nan potomitan gwoup la, nan Pilwenkezye; byenke Top la pa renmen mo tounen an, ORS tounen sou de pye militè li menm jan Masters, gwoup rival li King Posse ki te nan kanaval 2015 lan sou chanmas la, Chachou boys ak lòt gwoup ankò te fè apre anpil ane san pwodiksyon. Nouvèl sa ta dwe yon gwo nouvèl pou kominote rap an Ayiti lè nou sonje gwo wòl gwoup sa te jwe nan avansman mouvman sa nan peyi a, nan lane 90 yo. Gwoup sa ki te abrite, nan yon tan, rapè tankou : Top Tchouko, Top Adlerman, Cool Mc, Money Mike, Ya man, elatriye te limen jenès anpil moun ak mòso tankou: sa k ap fèt, tanperaman nou chanje, blòf, à toi, superstar, pou nou site sa yo sèlman; anplis nou dwe yo youn nan premye mix rap kreyòl ak ansyen siksè nan lòt stil, nou vle pale de lòv mwen, ti sigarèt Mwen. Jodi a, menm si nou pa ka di Staff la ap tounen avèk menm vibe yo, menm efektif la, oubyen ankò, avèk menm polemik ansanm ak gwoup King Posse a; nou sèten come back sa ap vini avèk yon leson pou moun ki kwè nan sa ki ale ale nèt.



AUSSI Sur TapTap Magazine
< >

Mercredi 7 Décembre 2016 - 13:34 Adieu Black EZ !


Publicité







Facebook

Publicité