Connectez-vous S'inscrire
TapTapMag.com

MAURICE SIXTO: NOU DWE OU ANPIL !


Notez
15 Mai 2015



Ayiti, 12 me, pandan sijè tout moun se sonnekselans François Hollande, pandan tout yon kapital te bloke, anba pa te ka monte anwo pa te vle desann, pandan kèk pitit Desalin te ap mande  restitisyon pou tout pitit Desalin, yo bliye si yon jou ,yon 12 Me, yon pitit Desalin, yon gran gason te fè zèl pou peyi san chapo.

Mesye dam lasyosyete, se pa blag ! Maurice Sixto yon ayisyen du peyi ki pa te manke pale pou soyete a, ki te toujou pare pou devwale, kit se mizè ti pèp la, kit se abi rejim diktatè, kit se devyans fanm kou gason ki pa fè respè lasoysete mande yo pou yo fè te mouri yon 12 me nan lane 1984 ak 65 an d aj.

 

Kreyatè Léa kokoye a, pè tanba, Ton chal elatiye fèt yon 23 me nan lane 1919, nan vil Gonayiv. Li te pwofesè literati men yo plis rekonèt li kòm kontè, lodyansè. Soti nan ti sentaniz, pase nan gwo moso, mèt zabèlbok, madan Jules rive nan le jeune agronome, la petite veste de galerie de papa, elatriye, tout moun jwenn leson, ak Maurice Sixto, tout moun ri e tout moun dakò; eritaj Mòy kite nan zafè lodyans pa gen parèy.

Si 12 me ki sot pase a fè 31 lane depi Maurice Sixto pati kite nou anpil moun bliye sa, si nan menm dat sa anpil moun te fokis sou venger la race, sou dèt blan franse, sou sonnekselans Hollande, se paske nou fasil sonje moun ki dwe nou epi bliye moun nou dwe; paske sinon nou ta sonje  nou dwe Maurice Sixto anpil anpil bagay.


Levly Byeneme 
byenneme91@taptapmag.com


AUSSI Sur TapTap Magazine
< >

Mercredi 7 Décembre 2016 - 13:34 Adieu Black EZ !


Publicité







Facebook

Publicité