Connectez-vous S'inscrire
TapTapMag.com

Eleksyon 2015: Yon ti lide pou pitit desalin ki renmen verite !!


Notez
10 Août 2015




Tout moun konnen nan tout peyi eleksyon se bagay ki trennen anpil kesyon dèyè li, tout moun tout kalte tout laj ap mande tèt yo sa pou yo fè, kiyès nan kandida yo ki bon, kiyès ki pa bon kiyès ki ap bon, kiyès ki p ap bon ? An brèf yo poze gwo keson yo poze ti kesyon,  tankou kiyès ki gen pi bèl afich, ak pi bèl foto ? Men gen kesyon pou nou ta poze ki fondalnatal nou sanble pa anvi poze : Apre eleksyon, kiyès ki pral netwaye lari a kandida yo fin sal pandan peryòd kanpay yo a ? Èske li pa ta bon pou tout kandida yo apre eleksyon ta fè yon operasyon „DEKANPAY”  ?  Nou pa ka di nou pa wè melanj koulè sireyalis, afich divès kalte  ki sou tout mi, tout poto. Kidonk li t ap twò bon menm si tout lidè ta chwazi bay tout pozè afich yon djòb depozè afich, bay tout pent mi djòb depentire mi. Figi lari a se figi kandida yo e tout nèt konsa. Yon gwo kout chapo pou moun ki kloure afich sou katon ki ap retire byen fasil, yon gwo kout chapo pou sa yo ki te gentan panse bay egzanp DEKANPAY sa. Nou konnen yo di lakay „ apre dans tanbou lou.” Men plezi  ak kontatman ki genyen na leve tanbou apre dans lavalas pa ka pote li ale. Sa pa plis pase yon lide pou tout pitit desalin ki renmen verite, èske kandida yo ap koute, èske yo ap reponn ? Sispenns...
Eleksyon 2015: Yon ti lide pou pitit desalin ki renmen verite !!



Publicité







Facebook

Publicité